Berako Udal Kultur Batzordetik jakinarazi dutenez, hirurogei lagun behar dira San Esteban bestetan urtero egiten den herri bazkarian lanean aritzeko, abuztuaren 6an, ortzegunean. Kultur Batzordearen arabera, “bestetan urtero egiten den herri bazkaria egin ahal izateko denon laguntza behar izaten da lan haundia dagoelako... Aurten ere herri bazkaria nahi baduzu, parte hartu!”.
Izen ematea uztailaren 28a baino lehen
Horretarako izena eman behar da uztailaren 28a, asteartea, baino lehen, 012 telefonora deituz, astegunez 8:00etatik 19:00etara eta larunbatetan 9:30etik 13:30era. Izen-abizenak eta telefonoa adieraztea ezinbertzekoa da.