Aspaldiko ohitura da. Zortzi laguneko taldea osatuz, herriko etxe guzietako ordezkariek astero eta txandaka elizaren garbiketa egiten dute. Eta lan hori saritzeko, parrokiak Igantzikoarekin batera, ateraldia eta berendua antolatzen ditu. Urtero aldatzen saiatzen dira. Oraingoan, Landak eta Ibardin aldeak ezagutuko dituzte.
Uztailaren 16an, ortzeguna, goizean 7:00etan aparkalekutik abiatuko da autobusa. Bidean gosaldu eta Biarritzera joanen dira. Goizean Landak bisitatuko dituzte eta bazkaltzera, Ibardingo Benta Berri jatetxera bilduko dira.
Autobusa parrokiak ordainduko du eta etxe bakoitzetik nahi duen guziak parte har dezake.
Egunpasara joan ezin direnek heldu den astehenean 20:00etan berendua izanen dute Zahar Txokon. Berendura familia bakoitzeko lagun bat joan daiteke.
Bertzalde, honen berri emateko idatzitako oharrean, eliza hain garbi edukitzeko egiten den lana eskertu nahi izan du parrokiak.