Eltzaurdiko auzotarrentzako ura kloratzeko egitasmoa uztailerako martxan izanen da. Hala adierazi dio Josu Iratzoki alkateak Ttipi-Ttapari. Koloratzailea Usategietan paratuko da baina hasieran ezarriko dena probisionala izanen da. Behin betikoa Ibardinera ura eramateko proiektuarekin batera zehaztuko da, Iratzokiren hitzetan, «seguraski hurrengo urtean». Behin behineko proiektu honen gastua 9.000 euro ingurukoa izanen da. Gastua zehatz zenbatekoa izanen den Ibardinera ura eramateko proiektuarekin jakinen da.