Berako Labiaga ikastolak ikasturte akaberako besta antolatu du ekainaren 21ean eta guraso, bazkide, ikasle, ikasle-ohi eta nahi duten guziei gonbidapena zabaldu die.
Ekainaren 19an ere zenbait ekitaldi
Egun handia ekainaren 21a, igandea, izanen bada ere, ortziralean, ekainaren 19an, arratsaldeko 16:30ean Lehen Hezkuntzako bosgarren mailako ikasleek Kultur Etxean antzerkia eskainiko dute. Ondotik, Eztegarako ikastolan txokolatada eskainiko da eta zeliakoentzat ere berendua izanen da, baita jokoak, musika, bideoa eta bertze ekitaldiak. Ikasleek egindako eskulanen erakusketa ere eginen da Eztegarako ikastolan.
Ekainaren 21ean egun handia
Ekainaren 21ean, berriz, goizeko 11etan multikirolarekin abiatuko da egitaraua. 12:00etan ipuin kontalaria izanen da Altzateko ikastolan Haur Hezkuntzako ikasleentzat eta ordu erdi beranduago, leku berean, Lehen Hezkuntzako ikasleentzat izanen da ipuin kontalaria. 14:00etan “gure sukaldariek prestatutako bazkaria izanen dute. Helduek marmitakoa, bildotsa entsaladarekin, edaria, kafea, kopa eta izozkia izanen dute eta haurrek espagetiak, bildotsa, freskagarria eta izozkia.
Txartelak ekainaren 16a bitarte salgai
Txartelak Altzateko ikastolan salgai daude astelehenetik ortziralera, goizeko 9:00etatik 15:00etara. Helduek 16 euro ordaindu beharko dute eta 16 euro bitarteko neska-mutikoek 7 euro. Labiaga ikastolatik jakinarazi dutenez, izena emateko epea ekainaren 16an, asteartean bukatuko da eta egun horretatik aitzinera ez dira izen emateak onartuko.