Larunbat honetan, ekainaren 6an, Bortzirietako Bai Euskarari Ziurtagiriaren banaketa ekitaldia eginen da Berako Kultur Etxean, arratsaldeko 20:00etan. Ziurtagiriaren Elkarteak eta Bortzirietako Euskara Mankomunitateak Bortzirietako hainbat enpresa, saltoki eta era guztietako entitateri Bai Euskarari Ziurtagiri berritua banatuko diete.
Joseba Olagarai izanen da ekitaldiaren aurkezlea eta Rober Gutierrez, Ziurtagiriaren Elkarteko zuzendariak eta Ramontxo Elgorriaga, Euskara Mankomunitateko lehendakariordeak hartuko dute parte, ziurtagiria jasoko duten elkarte, erakunde, talde, enpresa eta saltokiekin batera.