Lesakako Tantirumairu ikastolak hogeita hamekagarren aldiz antolatutako Txoko-Txiki ipuin lehiaketako sariak banatu ziren maiatzaren 15ean. Lehenik, Estitxu Arozenak gidatuta, bertso eskolako ikasleek beraien saioa burutu zuten. Segidan, Lehen Hezkuntzako lehen mailatik seigarren mailara bitarteko ikasleei, hau da, 6 eta 12 urte arteko neska-mutikoei zuzendutako lehiaketen sariak banatu ziren.
Ipuin lehiaketa
Ipuin lehiaketan, lehen mailatik hasita eta seigarren bitarte, Uxue Urroz-en “Izar polita”, Uxue Mesaren “Luai”, Olaia Telletxearen “Pinotxo”, Ganix Arrutiren “Beti Gazte Benjamin A hobena”, Haizea Etxeberriaren “Erraldoia” eta Maite Odriozolaren “Milindrix”ipuinak suertatu ziren irabazle, mailaz maila.
Ilustrazio lehiaketa
Ipuinen ilustrazio edo marrazki lehiaketan, berriz, Garazi Migeltorenaren “Rosela”, Nerea Ordokiren “Izar”, Irantzu Goienetxeren “Pitufo neska”, Andrea Lasagaren “Txiki”, Ane Otxotekoren “Estralurtar” eta Bixen Telletxearen “Xenbi” izan ziren marrazki saridunak, ttikienetatik hasi eta handienak bitarte.