Irain eskolako seigarren mailako ikasleak Murtziara abiatu dira trenez maiatzaren 12an, Patxi Saenz irakasleak lagundurik, Eskola Ibiltariak programan parte hartzeko. Iraingo ikasleak Segoviako Carbonero el Mayor-eko San Juan Bautista eta Tarragonako Mora la Nova-ko 3 D’Abril eskolako ikasleekin elkartuko dira. Murtzia ezagutzea eta bertze lurraldeetako ikasleekin elkarbizitza praktikatzea eta sendotzea dira programa honen helburuak. Horretarako, Iraingo ikasleek kalatan-gaztelania-euskara hiztegitxo bat osatu, katalanez abesti batzuk ikasi eta DVD bat grabatu dute Lesakako eskola, herria eta ohiturak aurkeztuz.
Doaneko ikastaroak
Ekintza interesgarri hau Nafarroako Gobernuak bertze Elkarte Autonomikoekin batera antolatzen du eta horregatik ikasleek ez dute deus ordaindu beharrik izaten. Maiatzaren 12an abiatu eta maiatzaren 18an itzuliko dira etxera Irain eskolako ikasleak.