Baztan-Bidasoalde osoan gorpuztu nahi den eximen berria abiatu dute Arantza, Bera eta Etxalarko alkateek. Ekimen honekin denak bat egitea krisiaren aurrean eta zonalde osoa gorpuztea nahi da.
"Sistema bera da balio ez duena"
Dagoenekoz bai ELAk, bai LABek, hainbat ekimen, kontzentrazio eta bi manifestazio egin dituzte zonaldean helburu berdintsuekin, baina Patxiku Irisarri Etxalarko alkateak adierazi duenez, “guk berriz sistema bera dela balio ez duena irudikatu nahi dugu”.
Manifestazioa maiatzaren 9an
Hiru alkateen idatziak ageri duenez, “langileak, autonomoak, zerbitzuetan lan egiten dutenak krisian dira. Zerbitzu publikoa eman behar duten Udalak eta Mankomunitateak ere krisian daude, sistemak hala behartuta (hirigintza eta mendiko sarreren lotura) eta Nafarroako Gobernuko finantziazio sistemak itota, toki entitateei diru laguntzak murriztu bait aizkie, zama osoa Udalen gain utziz”. Hau guzia kontuan hartuz, krisiaren aurrean bere ekarpena egin nahi dute eta horretarako maiatzaren 9an, eguerdiko 12etan manifestazio bat egitea proposatzen dute, Alkaiagatik Berara, lantokiak eta herria lotuz.
Atxikimenduak posta elektroniko bidez
Patxiku Isirarrik jakinarazi duenez, zonaldeko eragileekin hitzegiten hasiko zira hurrengo egunetan; EHNE, ELA eta LAB sindikatuak, talde politikoak, zerbitzu, emakume, kirol, kultur eta etorkin elkarteekin bilduz. Beraien mezua mozio baten bidez zabalduko dute eta atxikimenduak biltzeko, honako helbide elektronikoa jarri dute martxan: herria@etxalar.org
Maiatzaren 21eko greba orokorra girotzeko aukera polita
Maiatzaren 9an denok elkarrekin egon behar dugula azpimarratu du Patxiku Irisarrik eta aukera polita izaten ahal dela maiatzaren 21ean egin behar den greba orokorra girotzeko. “Hortik aintzinera aukera guztiak irekita daude” diote Arantza, Bera eta Etxalarko alkateek bere idatzia akautzeko.