Berako Isidoro Fagoaga Musika Eskolako ikasleek Arantzara ateraldia eginen dute apirilaren 1ean, asteazken arratsaldean. 15:45ean aterako musika ikasleak Toki-Onatik eta 16:30ean kalejira eginen dute Arantzako karriketan barna. 17:30ean kontzertua eskainiko dute herriko plazan eta ondotik berendua izanen dute.
Bera Atzo erakusketa
“Bera atzo” izenburupean argazki erakusketa zabalduko du Rosa Mari Errandonea beratarrak ortziral honetan, apirilaren 3an. Hilaren 19ra bitarte Kultur Etxean izanen da ikusgai, asteartetik igandera. Goizez 10:00etatik 14:00etara eta arratsaldez 16:00etatik 19:00etara egonen da zabalik, igande arratsaldetan izan ezik. Rosa Mari Errandoneak aipatu digunez, www.beragureherria.com web-orrian ikus daitezken argazkian paratuko ditu Kultur Etxeko erakusketa-aretoan ere, bertze zenbait agiriekin batera.
Gazteentzat eskulan tailerra
Bertzetik ortziralean, apirilaren 3an, Estitxu Mentaberrik 5 eta 12 urte bitarteko gaztetxoentzako eskulan tailerra eskainiko du Berako Herri liburutegian 18:00etan. Berako liburutegiak eta Kultur Batzordeak antolatu dute ekitaldia.