Oraindik urruti daudela dirudien arren, Berako San Esteban bestak prestatzen hasteko tenorea da. Aurtengo bestak ere arrakastatsuak eta parte-hartzaileak izan daitezen, bestetako lehenbiziko bileran parte hartzeko gonbitea luzatu du Kultur Batzordeak, ideia eta ekarpen guztiak ongi etorriak izanen direlako. Hasieran astearterako iragarria bazegoen ere, bilera martxoaren 25ean, asteazkenean 19:00etan eginen da Herriko Etxeko Pleno Aretoan.