Ez da lehenengo aldia eta ez dadila hondarrekoa izan gainera! Aunitzek sagardotegiko denboraldian itzuli bat edo bertze egiten dute eskualdeko nahiz Gipuzkoako sagardotegietara. Ekaitza Elkarteak eta Gazte Asanbladak aspaldixkotik herritik autobusa antolatzen dute. Hala, martxoaren 28an, Hernaniko Iparragirre sagardotegian bazkaria izanen da eta bazkalondoa biharamun goizaldera bitarte luzatzeko aukera dago. Txartelak hilaren 22ra arte ostatuetan egonen dira salgai.