Urtarrilaren 18an San Anton Eguna ospatu zen Endara auzoan eta Lesakatik ez ezik, Bortzirietako bertze herrietatik, Irundik, Hondarribitik eta Oiartzundik hainbat bisitari hurbildu ziren, oinez, bizikletaz, zaldiz eta autoz. Hiru mezetan ttiki gelditu zen baseliza, jende aunitz bere animaliekin, batez ere zakurrekin hurbildu baitzen San Antonera, hauek eritasunetatik babesteko eta zaintzeko eskaria egitera. Eguraldia zalantzaz ibili zen, baina goizean zaparrada arinen bat bertzerik ez zuen bota. Hori bai, eguerdi aldera euria gogotik egin zuen eta dantzaldiko giroa zapuztu zuen.