Bortzirietako Haur eta Gazte ipuin Lehiaketako sariak banatuko dira abenduaren 19an, ortziral arratsaldeko 18:00etatik aitzinera Berako liburutegian. Estitxu Etxebestek gidatutako sainan.
Aurkeztutako lanen kalitatea aztertu ondotik, Berako Kultur Batzordeko epaimahaiak hainbat lan saritzea erabaki du.
LHko hirugarren eta laugarren mailan sariak Berara eta Etxalarrera
Lehen Hezkuntzako hirugarren eta laugarren mailako ikasleei zuzendutako A Mailan, Berako Labiaga ikastolako Arantxa Larrañaga Cuevasen “Xagua eta eskularrua” ipuinak, Berako Ricardo Baroja ikastetxeko Alaitz Aranibar Iparragirreren “Birziklatzen ikasi” ipuinak eta Etxalarko Landagain eskolako Iker Bizente Maiaren “Joxe Pantonio hegan” ipuinak eskuratu dituzte sariak.
LHko bosgarren eta seigarren mailakoak Lesakara
Lehen Hezkuntzako bosgarren eta seigarren mailako ikasleei zuzendutako B Mailan Lesakako Irain eskolako Johanna Ramirez Romeroren “Maiderrentzat bihotzez” idazlanak, Lesakako Tantirumairu ikastolako Martin Lanz Aierzaren “Zapatila bilaka” ipuinak eta ikastetxe bereko Beñat Conde Oruberen “Oilo Pepitoaren lagunak” lanak eskuratu dituzte sariak.
DBHkoak Lesaka, Bera eta Etxalarrera
DBHko lehen eta bigarren mailakoei zuzendutako C mailan, azkenik, Labiaga ikastolako Patrizia Etxegarai lesakarrak “Edan botilatik!” ipuinarengatik, Arantzako eskolako Gurutze Iparragirre Oskozek “Zapata baten istorioa” lanarengatik eta Toki-Ona Institutuko Itxaso Elizagoien etxalartarrak “Desagertutako neskatxa” ipuinarengatik izan dira saridunak.