Eguberrietako datak izateko gero eta guttiago falta da. Heldu den astean Gabon eta Eguberri Egunak dira. Hori dela eta, gure herrian Euskal Herriko bertze txokoetan bezala, Olentzero menditik jautsiko da eta ikazkinak egonaldi ederrak eginen ditu. Aurten Guraso Elkarteak aldaketa bat egitea erabaki du: ekitaldi guztiak hilaren 24an eginen dira. Goizean herrian kalejira izanen da Olentzeroekin, soinulari eta kantari karrikaz karrika ibiliko dira. 16:30etik aitzinera, berriz, herriko plazan bilduko dira eta kantuan eta aulki-dantzan ariko dira. Berendu batekin akabera emanen zaio egunari.