Hainbat ospakizun izanen dira aurten ere Eguberrietan. Abenduaren 24an, Olentzeroren bisita izanen dugu eta hala, arratsaldean neska-mutikoak Eguberrietako kantak abesteko bilduko dira, 17:30ean, Herriko Etxeko plazan. Ilunabarrean, berriz, gazte eta helduen txanda izanen da eta karrikaz-karrika ibiliko dira.
Urteko azken egunean, Glin-Glana eta Diostesalbearen txanda izanen da. Urtezahar arratsaldean, 15:00etatik aitzinera, haurrak auzoz auzo ibiliko dira, Glin-glan, glin-glan, duenak ez duenari eman kantuarekin eskean. Beranduago, berriz, 18:00etan, Diostesalbea. Kopla kantuan ariko dira gazte eta helduak herrian barna.