Azaroaren 7an eman zitzaion hasiera aurtengo Kafe Atzerki Zikloari. X. edizioa da eta oraindik bertze bi saio gelditzen dira. Alde batetik, ortziral honetan, hilak 14, Lixoia ostatuan Euskera sencilloaren manifestua antzezlana eskainiko du Bikoteatroa taldeak. 22:00etan hasiko da. Bertzetik, azaroaren 23an, igandearekin, Greban gaude ikuskizuna eskainiko du Lakrikun Antzerki Taldeak. Lagun Haundiak elkartean izanen da, 19:00etatik aitzinera.