Lesakako Arkupe pilotazale elkarteak antolatutako emakumezkoen paleta goma txapelketako azken partidak jokatu ziren larunbatean, azaroaren 1ean. Lehenik, hirugarren posturako lehia estua jokatu zen eta azkenean Lizarrako Dolo eta Maitek 30 eta 28 irabazi zieten Orioko Ines eta Asuni.
Final handia
Final handian ere, txapela Lizarra aldera joan zen, Mertxe eta Susanak 30 eta 23 irabazi baitzietan Iruritako Edurne Argain eta Lizarrako Kristinari. Aipatzekoa da Edurne Argainek azkeneko bi txapelketak irabaziak zituela Estitxu Pierola donostiarrarekin, baina aurten azpitxapeldun izatearekin konformatu behar izan du.
Sari banaketa
Finalen ondotik sariak eman zitzaizkien aurtengo lau bikote onenei.