Astearte honetan, urriaren 21ean, Kantabrikoko Ur Konfederazioko Planifikazio Hidrografikoaren prozesuaren barnean gai garrantzitsuak eztabaidatzeko bilera eginen da Berako Kultur Etxean, arratsaldeko 19:00etatik aitzinera. Bilera, gaian interesa duen eta bileran parte hartu nahi duen edozeinentzako irekia izanen da. Bilera honetan, Juan Jose Grau, Nafarroako Gobernuko Ur Zerbitzuko zuzendariak; Jesus Gonzales Piedras, Kantabrikoko Ur Konfederazioko Planifikazio Hidrologikoaren Bulegoko burua eta Victor Peñas, Euskadiko Ur Agentziako teknikaria izanen dira.