Iaz bezala, Berako Udal Liburutegiak eta Kultur Batzordeak Bortzirietako Haur eta Gaztetxoen Ipuin Lehiaketa antolatu dute. Gaia librea izanen da baina hiru mailatan banatu dute, adinaren arabera. A Maila Lehen Hezkuntzako 3. eta 4. mailakoentzat; B Maila Lehen Hezkuntzako 5 eta 6. mailakoentzat; C Maila DBHko 1go eta 2. mailakoentzat. Ipuinak 1-4 orrialdekoak izanen dira. Ipuinaz gain, gutun-azal batean ondoko datuok sartu beharko dira: izen-abizenak, maila (A, B edo C), adina, ikastetxea, gela eta harremanetarako telefonoa. Ipuinak jasotzeko azken eguna azaroaren 28a izanen da Berako liburutegian edo Kultur Etxean. Sari banaketa, berriz, abenduaren 19an, eginen da Liburutegian.