Ehiza eta Arrantza Elkarteak antolatuta, Mikologiari buruzko jardunaldiak eginen dira ortziral honetatik igandera. Ortziralean, urriak 3, 19:30ean mikologiaren hastapenei buruzko hitzaldia eskainiko du Pedro Arrillaga Anabitarte Aranzadi Zientzia Elkarteko kideak. 19:30ean izanen da.
Larunbatean, urriak 4, goizean goiz hasiko dute eguna. 08:00etan mendira aterako dira onddo bila, Altzateko Plazatik abiatuta. Biltzen diren onddo eta perretxikoak Ehiza eta Arrantza Elkartera ekarriko dira. 11:00etatik 13:00etara Elkartean egonen dira.
Igandean, urriak 5, erakusketa izanen da. Onddo eta perretxikoak izanen dira ikusgai, hauek ere Elkartean. 10:30etik 14:00etara eta 16:00etatik 18:00etara egonen da erakusketa zabalik.