Itsaso Fagoaga, 18 urteko gazte lesakarrak Nafarroako eta Espainiako Skeet Olinpiko txapelketak irabazi ditu berriki. Zehazki, abuztuaren 24an Elizondon jokatu zen Nafarroako txapelketaren finala eta Itsaso izan zen emakumeen artean txapeldun. 50 plateretatik 45 haustea lortu zuen.
Orokorrean bigarren, aitaren ondotik
Gainera, sailkapen orokorrean, gizasemeak eta guzi kontuan hartuta, bigarren izan zen. Aipatzekoa da sailkapen orokorrean txapeldun Itsasoren aita, Antonio Javier Fagoaga izan zela. Beraz, aita txapeldun eta alaba azpitxapeldun izan ziren Nafarroako Skeet Olinpiko txapelketan.
Espainiakoan ere txapeldun
Nafarroakoaren ondoitk, Espainiako txapelketa jokatu da joan den asteburuan, irailaren 13 eta 14an, Madrilgo Cantoblancon. Espainiako txapelketan ere, emakumezkoen artean txapeldun izan zen Itsaso Fagoaga, bigarren sailkatuari bederatzi platereko aldea ateriz gainera. Kontuan hartu behar da tiratzeko nahiko baldintxa kaxkarrak izan zirela, haizea baitzebilen eta tiro-eremua bera ere ez baitzen sobera egokia. Halere, Itsasok bere mailari eustea lortu zuen eta bere arerioek beheiti egin zuten. Sailkapen orokorrean, gizasemeak eta guzi kontuan haratuta, hamabigarren postuan sailkatu zen Itsaso Fagoaga. Antonio Javier Fagoaga aita, berriz, bederatzigarren izan zen sailkapen orokorrean eta hirugarren, hirugarren kategorian.