Berako Larun-Haitzpe Merkatarien Elkarteak antolatuta, Berako Udalaren eta Rural Kutxaren laguntzarekin lorez apaindutako balkoi eta leihoen lehenbiziko lehiaketa eginen da herrigunean. Ekainaren 25ean hasita uztailaren 25era bitarte luzatuko da lehiaketa eta herria lau zatitan banatu dute horretarako: Agerra auzoa ingurua, Berako plaza aldea; Legia, Kanttonberri eta Eztegara aldea eta Altzate ingurua.
Sari banaketa abuztuaren 1ean
Inguru bakoitzean sari bat banatuko da eta abuztuaren 1ean eginen da hori. Zonalde bakoitzeko irabazleak bi lagunentzako afaria izanen du Berako elkarteko kide den jatetxe batean eta bere balkoi edo leihoaren argazkia markoarekin eta aipamenarekin jasoko ditu, baita lore-xorta bat ere.
Epaimahaia
Epaimahaia Ayla argazkidendako Bixente Tabernak, Goiko argazkidendako Martin Goikoetxeak, Azalea loredendako Nuria Perezek, Kalotxa zapatadendako Adela Arlegik eta udal ordezkari batek osatuko dute. Balkoi edo leihoak baloratzerakoan konposizio artistikoa, kolore aniztasuna eta bertze zenbait ezaugarri kontuan hartuko dituzte. Lehiaketa honen berri zabalago izateko epaimahaikide eta Larun-Haitzpe elkarteko kide den Adela Arlegirekin izan gara.