Larun-Haitzpe Merkatarien Elkarteak antolatuta –Udalaren eta Rural Kutxaren laguntzarekin–, lorez apaindutako balkoi eta leihoen lehenbiziko lehiaketa eginen da herrigunean. Ekainaren 25ean hasita uztailaren 25era bitarte luzatuko da eta herria lau zatitan banatu dute: Agerra auzoa; plaza aldea; Legia, Kanttonberri eta Eztegara aldea eta Altzate ingurua. Inguru bakoitzean sari bat banatuko da eta abuztuaren 1ean eginen da hori. Zonalde bakoitzeko irabazleak bi lagunentzako afaria eta bere balkoiaren argazkia markoan eta aipamenarekin jasoko ditu.