Berriz ere hurbil da bi urtetik behin egiten den ekimena. Igande honetan mendi gainetan ibiltzeko aukera izanen da. Unanu, Izu,Ibintza, Ekaitza, Illurdi, Mendaur eta Zepurun barna izanen da ibilbidea. Ekaitza Elkartea, Udala, Gazte Asanblada eta Nafarroako Kirol eta Gazteria saila antolaketa lanetan aritu dira eta dena prest dago. Denek, ordea, ezin izanen dute egun horretan egon. Antolaketa lanetan hasieratik aritu zen Xabier Zubieta Zubi gogoan, Ekaitzako kaxkun ikurrinak iraun dezala… mendi itzuliko eskuorrian jarria da. Kirol atalean itzuliari buruzko xehetasun gehiago irakur daitezke.