Aitzineko alean data zehaztu ez bagenuen ere, joan den apirilaren 11n Beñat Mitxelena 20 urteko pilotariak debutatu zuen Frontis enpresarekin. Saioa arratsaldean izan zen herriko frontoian eta xehetasun guziak hurrengo alean emanen dizkizuegu. Halere, ale honen 36. orrialdean, kiroletan, Beñati egindako elkarrizketa irakurtzeko aukera izanen duzue.
Bertzalde, Asier Apezetxea Conor Saltokiko txirrindularia Arazuri kontzejuko 7.txapelketan garaile izan zen apirilaren 6an. FVC Spiuk Centros BTT Euskadi delako egutegian puntuagarria da honako proba hau. Zorionak, beraz, bi kirolariei!