Igantziko haurrentzat bestak pasatzen direnean hasten da egiazko ikasturtea. Bitarteko egunak egokitzeko eta abiadura hartzeko behar izaten dituzte. Bortzirietako Herri Eskola guzien topaketak hasi izanak ere ikasturtea mamitzen ari dela erakusten du. Joan den astean, asteazkenez, bildu ziren lehenbizikoz Igantzin eta Arantzan; ttikienak, 1., 2. eta 3. mailakoak Igantzin, eta koxkorrenak, 6. maila bitartekoak, Arantzan. Argazkian ikusten den bezala, pilotalekuan jostetan eman zuten goiz gehiena.