Aspaldidanik komentatzen da herrian albintearen beharra badela. Kruzito Ariztegi jubilatu zenez geroztik -urteak joan dira- albinterik gabe dago Igantzi. Bada, joan den ortziralean egindako hilabeteko bilkuran onartzekoa zuen Udalbatzak albinte berria kontratatzeko deialdia. Prozesu luze baten hasiera bertzerik ez da, baina litekeena da 2005ko hasieran aurkezten diren lagun guzien arteko probak egitea eta uda aldera dagoeneko albinte berria lanean hasia izatea.