Atsedena hartu ondoren, Patxi Vila denboraldi berriari hasiera emateko prestatzen ari da. 2008ko egutegia nahiko finkatua dauka eta datorren otsailaren 26an, Valentziako itzuliarekin ofizialki hasiera emanen dio. Lehengo urtean Paris-Nizako etapa batean garaipena lortu eta sailkapen nagusian bigarren postua lortu ondoren ezagunagoa egin bazen ere, aurtengoan ez du lasterketa honetan parte hartuko. Honen ordez, Tirreno-Adriatikoa eginen du, baita Nazioarteko Criteriuma lehen aldiz probatu ere. Italiako Giroa prestatzeko, Euskal Herriko Itzulia, Flecha Wallona eta Lieja-Bastogne-Lieja egingo ditu.