Berako Udala, Nafarroako Rural Kutxa eta Nafarroako Gobernuaren laguntzarekin, Larun-Haizpe merkatarien, ostalarien eta zerbitzu enpresen elkarteko kideek I. Salgai-hondarren feria antolatu dute. Otsailaren 24an, igandea, eginen da eta herriko dendariek stockean dituzten artikuluak prezio ezin hobean salgai jarriko dituzte. Goizeko 10etatik 20:00etara kiroldegian zabalik izanen da eta hauek dira parte hartuko duten komertzioak: Agara kirolak, Arturo arropa-mertzeria, Edurne umeen arropa denda, Igone paperdenda, Kalotxa zapatadenda, Artieda lentzeria, Bera informatika, Zela kirolak, Elkar liburudenda, Martzutzak arropa eta bitxidenda, Goya arropa,mertzeria eta ohekoen denda eta Expert Bortziriak.