Lesakako Udalak, alkateak sinatutako bando baten bidez, auzolanerako deialdia egin du igande honetarako, otsailaren 10erako. Hain zuzen, Herriko Etxeak mila arbola landatu behar ditu Frain alderdian, auzolanean. Bertako landareak izanen dira landatu beharrekoak, Urdaibai Fundazioak eman dituenak.
Beraz, Lesakako udalak, deia egin die nahi duten herritarrei, igande honetan, goizeko 9etan, Lesakako plazara agertzeko, hortik joanen baitira gero landaketa egitera. Bandoan jakinarazten denez, ez da erremintarik eraman beharko.