Bera, eta ez Vera de Bidasoa. Udalak azken batzarrean herriaren izena ofizialki eta leku guztietan Bera dela, eta ez Vera de Bidasoa, garbi gelditzea eta hori lortzeko tramiteak hastea erabaki zuen. EAko zinegotziak ez ezik, gainerako bederatziak Euskara Batzordeak egindako proposamenaren alde azaldu ziren. Udalak tramite hauek lehendik ere eginak ditu baina inoiz ez dute behin betirako moldatzea lortu. 1979an Euskaltzaindiak garbi utzi zuen historikoki Bera dela herriaren izena eta ez Vera de Bidasoa. Nafarroako Gobernuari jakinarazi zion eta orain bide bera segituko du Udalak. Beraz, herriaren izendapena aldatzeko eta ofizialki Bera izateko tramiteak hasiko dira.