Berako Isidoro Fagoaga udal musika eskolak, tronpeta, txistu eta perkusio entzunaldia antolatu du asteazken honetan, ilbeltzaren 23an, arratsaldeko 17:00etatik aitzinera.
Egitaraua
Egitarauari dagokionez, Ibon Irastortzak “Axuri beltza” herrikoia joko du. Asier Osesek txistuarekin eta Izaro Iriartek pianoarekin “Kontrapasa” herrikoia joko dute. Mikel Esnaolak eta Joseba Bertizek perkusioarekin Whaley-ren “Duet 1” joko dute; Oier Larretxea txistulariak “Uso zuria” herrikoia; Julen Errandoneak tronpetarekin eta Ion Aizpuruk pianoarekin, Veraciniren “Sonata Fa Mayor”; Ane Eltzaurdiak txistuarekin eta Jokin Pinatxok pianoarekin, Iparragirreren “Gernikako Arbola”. Ibai Ros, Pablo Moncayola, Julen Baleztena eta Igor Telletxea perkusio joleek Whaley-ren “Drum Quartet” joko dute; Saioa Oses txistulariak eta Iratxe Esparza pianojoleak, Aranbururen “Kontzertua”; Hodei Hernandok txistuarekin eta Alaitz Aguilarrek pianoarekin “Izotz ondoko eguzkia” herrikoia eskainiko dute; Mattin Arbelaitzek perkusioarekin Red Hot Chilli Peppers taldearen “Aeroplane”; Mikel Morenok txistuarekin eta Mari Jose Bergara irakasleak pianoarekin Vivaldiren “Allegro” joko dute; Julen Altzugarai eta Mikel Moreno perkusio joleek Whaley-ren “Duet 2”; Julen Baleztenak txistuarekin, Mari Jose Bergarak pianoarekin eta Igor Telletxeak perkusioarekin, Aitor Amezagaren “Balada”; Naia Esnaolak perkusioarekin Agostiniren “Rock” joko du; Naia Esnaolak berak txistuarekin eta Mari Jose Bergarak pianoarekin Ansorenaren “Ama Mari” bals eta bariazioak joko dituzte; Ieray Tabernak perkusioarekin Whaleyren “21” eta emanaldia akautzeko, Txistu taldeak, Jokin Pinatxo pianoan lagun duela, Luis Udakiolaren “Ihauteriko martxa” joko du eta perkusio taldeak “Afrokada”.