Asteburu honetako jardunaldiaren ondotik, azken txanpan sartua da Bortzirietako zazpigarren eskuz banakako txapelketa. Astearte honetan, ilbeltzaren 15ean, Alebin B mailako final laurdenak jokatuko dira Igantziko pilotalekuan, arratsaldeko 17:00etatik aitzinera. Igantziko Biltokiko Eneko Esparza, Lesakako Arkupeko Ander Legasaren kontra ariko da; Ondotik, Arkupeko bi pilotari izanen dira aurrez aurre: Aitor Altzugarai eta Ibon Txoperena. Arkupeko bertze pilotari batek, Etxalarko Altxatako Goiatz Jauregi izanen du arerio eta azken final laurdeneko partidan, berriz ere bi lesakar ariko dia nor baino nor: Xabi Etxenike eta Jon Ubiria.
Asteazkenean, ilbeltzaren 16an, arratsaldeko 17:30ean Etxalarren jokatuko dira hiru partida. Aurrebenjamin A mailan, Altxatako Aritz Irazoki eta Eneko Sanzberro ariko dira eta infantil B mailan ere, bi etxalartar, Aitor Danboriena eta Unai Altzuguren ariko dira. Infantil A mailan, Altxatako Beñat Maia, Arantzako Ekaitzako Markel Jorajuriaren kontra ariko da.
Ortzegunean, ilbeltzaren 17an, Lesakan, Beran eta Igantzin jokatuko dira partidak. Lesakan, arratsaldeko 18:00etatik aitzinera, benjamin A mailako hiru partida jokatuko dira: Gure Txokoako Harri Maritorena, Ekaitzako Xabier Tabernaren kontra; Ekaitzako Andoni Taberna, Arkupeko Beñat Konderen kontra eta Arkupeko Urki Txoperena, Biltokiko Oihan Canabalen kontra. Beran, arratsaldeko 19:30ean hasita, kadete mailako bi partida jokatuko dira. Biltokiko Iker Rojo, Arkupeko Oihan Olaizolaren kontra eta Arkupeko Josu Sanjurjo, Gure Txokoako Luka Remiroren kontra. Igantzin, arratsaldeko 6etan, alebin A mailako finalerdietako partida jokatuko dute Gure Txokoako Beñat Mitxelenak, Arkupeko Jon Olaizolaren kontra.
Heldu den larunbat goizean, ilbeltzaren 19an, finalerdietako hainbat partida jokatuko dira Beran eta Lesakan, goizeko 10:00etatik aitzinera. Beran, Benjamin B mailako bi finalerdiak jokatuko dira: Biltokiko Enaitz Telletxea, Altxatako Jon Iparragirreren kontra eta Altxatako Ixaka Labadie eta Andoni Iribarrenen arteko partida. Alebin B mailako finalerdian, Eneko Esparza eta Ander Legasaren arteko partidaren irabazlea, Joel Oronoz eta Goiatz Jauregiren arteko irabazlearen kontra ariko da. Jardunaldiko bertze bi partida ere jokatuko dira Beran: Infantil A mailan, Biltokiko Mikel Begino, Arkupeko Unai Zamoranoren kontra eta kadetetan, Arkupeko Mikel Maia, Biltokiko Iker Rojoren kontra. Lesakan, Aurrebenjamin B mailako bi finalerdirekin hasiko da jaialdia. Bietan, pilotari lesakarrak izanen dira aurrez aurre: Aimar Otxoteko, Jorge Agirreren kontra eta Julen Otxoteko, Jon Leizaren kontra. Alebin B mailako finalerdian, Aitor Altzugarai eta Ibon Txoperenaren arteko partidaren irabazlea, Xabi Etxenike eta Jon Ubiria artekoaren irabazlearen kontra ariko da. Alebin A mailanko finalerdian, Biltokiko Unai Telletxeak, Gure Txokoako Iñigo Martinezen kontra jokatuko du. Benjamin A mailako partidan, azkenik, Bitokiko Oihan Canabal, Gure Txokoako Peio Migelenaren kontra ariko da.