Urtero bezala, eskolako lagunak Eguberrietako oporren aitzineko antzezlanak prestatzen ari dira. Abenduaren 15ean eta 19an lau antzezlan eginen dituzte eskolan. Lehenengo saioan, Etxalar, Igantzi eta herriko ikasle eta irakasleen aitzinean eginen dituzte. Bigarren emanaldia, abenduaren 19an, 17:00etan gainerako herritarren aitzinean. Haur Hezkuntzako gaztetxoek koreografia prestatu dute. Lehen Zikloko lagunek, «Gaixo tranpatia» lana taularatuko dute, bigarren eta 3. Ziklokoen antzezlana «Aukera berdinak» da eta azkenik, DBHko taldeak «Bi argi piztuta» antzeztuko du.