Bortzirietako eskuz binakako zazpigarren txapelketako seigarren jardunaldia jokatu da aste hondar honetan. Lehendabiziko partidak ortzegun arratsaldean jokatu ziren Beran. Alebin A mailan, Gure Txokoako Andoni Lazkanotegi eta Beñat Mitxelenak 18 eta 12 irabazi zieten Gure Txokoako Ander Errandonea eta Iñigo Martinezi. Infantil A mailan, oiartzuarren arteko norgehiagokan, Sarastu eta Aizpuruk 18 eta 2 irabazi zieten Imaz eta Basasorori.
Larunbatean eta igandean Beran
Larunbatean eta igandean ere jokatu ziren partidak Beran. Aurrebenjamin B mailan, Gure Txokoako Larretxea, Lizardi eta Zandiok 18 eta 0 irabazi zieten Arkupeko Xabi Lasaga eta Xabi Larretxeari. Aurrebenjamin A mailan, Altxatako Aritz Irazoki eta Eneko Sanzberrok 18 eta 13 irabazi zieten Arkupeko Julen Arakues eta Jon Leizari. Benjamin B mailan, Arkupeko Pello Telletxeak eta Paulo Ramosek 18 eta 7 irabazi zieten Altxatako Iker Bizente eta Ixaka Labadieri. Alebin B mailako lehendabizikko final laurdenean, Ekaitzako Jon Mazizior eta Gure Txokoako Jokin Pinatxok 18 eta 4 irabazi zieten Arkupeko Jon Ubiria eta Xabi Etxenikeri. Alebin A mailan, Gure Txokoako Andoni Lazkanotegik eta Beñat Mitxelenak 18 eta 6 irabazi zieten Hondarribiko Pagadizabal eta Aizpururi. Benjamin B mailan, Altxatako Markel Iturria eta Andoni Iribarrenek 18 eta 14 irabazi zieten Irungo Cuevas eta Bastarrikari. Alebin B mailako bigarren final laurdenean, Arkupeko Julen Palenzuela eta Aitor Altzugaraik 18 eta 11 irabazi zieten Aduriz eta Pikabea oiartzuarrei. Benjamin B mailan, Oiartzungo Ugalde eta Kazabonek 18 eta 4 irabazi zieten Arkupeko Iker Pikabea eta Jonan Arbelaitzi. Infantl B mailan, Oiartzungo Ugalde eta Irigoienek 18 eta 2 irabazi zieten Altxatako Iñaki Gallardon, Unai Altzuguren eta Oier Iturriari. Kadete A mailan, azkenik, oiartzuarren arteko lehian, Leibar eta Beolak 18 eta 9 irabazi zieten Arruti eta Salaberriari.
Lesakan larunbat goizean
Larunbat goizean Lesakan jokatutako partidetan, Benjamin B mailan, Arkupeko Jonan Fagoagak eta Beñat Ordokik 16 eta 18 galdu zuten Irungo Cuevas eta Bastarrikaren kontra. Kategoria berean, Hondarribiko Arrieta eta Novalesek 18 eta 8 irabazi zieten Altxatako Joseba Irazoki, Julen Telletxea eta Jon Iparragirreri. Aurrebenjamin A mailan, Arkupeko Aimar eta Julen Otxotekok 18 eta 7 irabazi zieten Arkupeko Josu Elizondo eta Aimar Zamoranori. Alebin A mailan, Arkupeko Gorka Sanjurjo eta Jon Olaizolak 18 eta 4 irabazi zieten Otegi eta Azpiroz oiartzuarrei. Benjamin B mailan, Hondarribiko Arrieta eta Novalesek 18 eta 8 irabazi zieten Irungo Cuevas eta Bastarrikari. Alebin B mailako final laurdenetako partida lehiatuan, Arkupeko Ibon Txoperena eta Ander Legasak 18 eta 17 irabazi zieten Hondarribiko Zubizarreta eta Arizmendiri. Kadete A mailan, azkenik, Arkupeko Mikel Maiak eta Biltokiko Iker Rojok 18 eta 7 irabazi zieten Gure Txokoako Luka Remiro eta Arkupeko Oihan Olaizolari.
Igantzin ere larunbat goizean
Igantzin ere, larunbat goizean jokatu ziren partidak. Benjamin B mailan, Mujika eta Salaberria oiartzuarrek 18 eta 11 irabazi zieten Arkupeko Urki Txoperena eta Beñat Konderi. Aurrebenjamin B mailan, Biltokiko Beñat Yanci eta Xabier Tabernak 18 eta 11 irabazi zieten Irungo Ramuntxo trinketeko bikoteari. Benjamin B mailan, Biltokiko Enaitz Telletxea eta Jokin Mitxeok 18 eta 3 irabazi zieten Arkupeko Joseba Pagadizabal eta Joseba Agirreri eta Hondarribiko Xabi Etxarte eta Mikel Etxartek 18 eta 1 irabazi zieten Biltokiko David Begino eta Aitor Txoperenari. Benjamin A mailan, Mujika eta Salaberria oiartzuarrek 18 eta 4 irabazi zieten Gure Txokoako Harri Maritorena eta Peio Migelenari. Alebin B mailako azken final laurdeneko partidan, Gure Txokoako Joseba Pikabea eta Biltokiko Eneko Esparzak 18 eta 6 irabazi zieten Altxatako Goiatz Jauregi eta Xabier Sanzberrori. Kadete A mailan, Arruti eta Salaberria oiartzuarrek 13 eta 18 galdu zuten Hondarribiko Gaztelumendi eta Etxarteren kontra.
Arantzan, igande goizean
Arantzan, igande goizean jokatu ziren partidak. Benjamin A mailan, Ekaitzako Andoni eta Xabier Tabernak 18 eta 15 irabazi zieten Gure Txokoako Harri Maritorena eta Peio Migelenari. Infantil B mailan, Hendaiako Durendeau eta Canguilhem-ek 18 eta 11 irabazi zieten Hondarribiko Olaziregi eta Urdiñ-eri; eta Altxatako Xabier Gallardon, Aitor Danboriena eta Beñat Maiak 18 eta 15 irabazi zieten Marin eta Zapirain oiartzuarrei. Infantil A mailan, Arkupeko Unai Zamoranok eta Ekaitzako Markel Jorajuriak 18 eta 13 irabazi zieten Imaz eta Basasoro oiartzuarrei eta Hendaiako Suertegarai eta Ibarburuk 18 eta 4 irabazi zieten Hondarribiko Gonzalez eta Aginagari. Heldu den asteburuan ere hainbat partida jokatuko dira, tartean Benjamin B, Alebin B eta Infantil B mailako finalerdiak. Bertze maila guztietan, Aurrebenjamin B, Aurrebenjamin A, Benjamin A, Alebin A, Infantil A eta Kadetetan, multzo bakarra direnez, finalerako sailkatuko dira zuzenean ligaxkako lehenbizikoa eta bigarrena. Txapelketako finalak azaroaren 25ean jokatuko dira Igantzin, goizeko 9:00etan hasita.