Berako Euskara Batzordeak, Bortzirietako Euskara Mankomunitatea eta Berako Kultur Batzordearen laguntzarekin, bederatzigarren Kafe Antzerki Zikloa antolatu du.
Azaroaren 2an, ortziralean, hasi eta 16ra bitartean luzatuko da. Lehenbiziko egunean, Giltxaro taldeak “Honolulu, leku bat” antzezlana eskainiko du Ikuilu ostatuan arratseko 22:00etan.
Azaroaren 9an, Jon Urrazak “Ez haiekin... ezta haiek gabe ere” izeneko emankizuna eskainiko du Kondaira ostatuan, hau ere, gaueko 22:00etan.
Azkeneko ikuskizuna , azaroaren 16an, Txirene taldearen “Ogiyik karri etzun semia” izeneko antzeslana izanen da Errekalde ostatuan arratseko 22:00etan.
Singapurreko abesbatza igandean Kultur Etxean
Bertze aldetik, Berako Abesbatzak, Kultur Batzordearen laguntzarekin Singapurreko SYC Ensemble Singers abesbatza gonbidatu du azaroaren 4an, igandean, arratseko 8etan Kultur Etxean abesteko. Lehen Singapore Youth Choir bezala ezaguna, herrialdeko abesbatzarik zaharrenetakoa da eta atzerriko jaialdietan parte hartu zuen lehena.