San Fermin erretiratuen elkarteak bere eguna ospatuko du igande honetan, azaroaren 4ean. Goizean, aurten hildako bazkideen omenez meza izanen dute eta gero bazkaria Irubiden. Bazkalondoan, dantzan hasi baino lehen, aurten jokatu dituzten txapelketa ezberdinen sari banaketa eginen dute. Carmelo Etxarte lehendakariak aipatu digunez, besta honekin akautuko dira aurtengo ekitaldiak. Izan ere, ez dute feria egunean bazkaririk eginen, egoitza ondoko obrak direla eta, lekurik gabe gelditu direlako. «Leku faltaren arazoa abudo moldatzea espero dugu».