Urriaren 5ean, ortziralean, Berako zenbait karriketan argi mozketak eginen ditu Iberdrolak goizaldean, gauerditik goizeko 5:30etara. Zehazki, Altzate karrikan, 8, 12, 15etik 22ra, 24tik 34ra, 36, 38, 40 eta bertze zenbait etxeri eraginen die mozketak; Illekuetan 1, 3, 5 eta 7 zenbakia duten etxeei; Iparralden 1, 3 eta 5 zenbakiko etxeei, Itzean 1, 3tik 9ra eta 10etik 26rako zenbaki parea duten etxeei eta bertze batzuei, Jaun de Altzae karrikako 1etik 7rako etxeei eta Mugaldea karrikako 1, 2, 3 eta 5 zenbakiei. Argi mozketaren helburua zerbitzuaren kalitatea hobetzea omen da eta Iberdrolatik jakinarazi dutenez, aipatutako orduan lanak akautzen badituzte, berehala eta bertzelako abisurik gabe emanen dute argia.