Bortzierietako Berdintasun arloak, Gizarte Zerbitzuak eta Euskara Mankomunitateak, Nafarroako Emakume Institutuaren laguntzarekin antolatuta, Bortzirietako gainerako herrietan bezala, urritik aitzinera, 3 eta 7 urte bitarteko haurrentzako ludoteka zerbitzua eskainiko da Beran ere. Hasiera batean, abenduaren 20a arte irekiko da. Dindaia Fundazioko profesionalak izanen dira arduradunak eta astearte eta ortzegunetan 17:00etatik 18:00etara izanen da zabalik. Ludotekan denbora libreaz gozatzeko aukera izateaz gain, solidaritatea, errespetua eta elkar ezagutza bultzatuko dira.