Aste hondar honetan, irailaren 7tik 9ra, ospatuko dira Bittiriko bestak. Ortziralean, 20:00etan patata tortilla txapelketa eta ordubete beranduago, txupinazoa da. 21:30ean Txoootx! berendu afaria izanen da eta 23:00etan rock kontzertua Egurre eta Kankarekin.
Larunbatean, 10:00etan txistulariek diana eskainiko dute. 12:00etan herri kirolak izanen dira, Begibana bigarren txapelketa, hain zuzen. Nesken arteko froga honetan Beti Gazteko neskekin batera, Sakana, Oiartzun eta Bizkaiakoak arituko dira. 14:30ean auzo bazkaria Jon Maia, Mañukorta eta Manolo Arozena bertsolariekin. Iñigo DJ musika jartzaileak ere giroa alaituko du. 19:00etan berbena.
Igandean, 11:00etan haur jokoak eginen dira Eltzeta plazan. 17:30ean ipuin kontalaria arituko da Bittiriako plazan eta 18:30ean trikitixa jaialdia izanen da.