Nafarroako Gobernuko Gizarte Ongizate Departamentuak 72.976 euroko laguntza bideratu du Lesakara. Udala eta Andra Mari zahar-etxea dira laguntza jaso dutenak, 43.494 euro eta 29.280 euro, hurrenez hurren. Udalaren kasuan, herrian dauden oztopo arkitektonikoak kentzeko izanen da. Aipatu lanak egiteko aurrekontua 54.620 eurokoa da eta horren %80a jaso du. Bertzeak bertze, espaloiak beheititzeko, arrapalak egiteko eta Biurrana errekaren gainean pasabideak egiteko erabiliko da.
Andra Mari zahar-etxeak, bere aldetik, 29.280 euro jaso ditu mantenimendu eta ekipamendu lanak egiteko: leiho eta fatxadarako, eraikina barrenetik pintatzeko... Hain zuzen, horretarako onartutako 36.600 euroko aurrekontuaren %80a da Gobernuak emandakoa.