Kultur Etxearen proiektuak aitzinera egiten duen bitartean, komentuaren teilatua eta fatxadak berrituko dira eraikinak okerrera egin ez dezan. Lan hauen aurrekontua 406.000 eurotan kalkulatu da, BEZik gabe, eta Nafarroako Gobernuak %45ean (182.000 euro) lagunduko ditu. Enpresek uztailaren 11 arte zuten Udalak lanak adjudikatzeko zabaldu duen deialdiari erantzuteko eta obrak abendu hasierarako bukatuak egon beharko dute.