Joan den larunbat arratsean herritar eta kanpoko jende anitz bildu zen Lesakako San Martin Elizan abesbatzaren 25. urteurrenaren kari eskaini zen kontzertura.
Marisol Perez zuzentzen duen herriko abesbatzarekin batera, Imanol Muruak zuzentzen duen Oñatiko abesbatza eta Miguel Irisarrik zuzentzen duen Burlatako San Blas abesbatza ere aritu ziren. Lehen zatian Aita Madinaren Poema Arantzazu eskaini zuten, eta bigarrenean ,Hilarion Eslavaren Jesus Dulcis Memoria, Tu es Petrus eta Aldaveren Agur Jauna. Organoan Esteban Irusta aritu zen, eta Maria Dolores Ordoki sopranoa, Juan Miguel Ordoki tenorra eta Imanol Murua baritonoa bakarlari lanetan.
Lesakako abesbatzaren 25 urteurrena ospatzen zutela eta, oroigarri bat eskaini zitzaion. Mari Sol Perez zuzendariak jaso zuen kantari guzien izenean.