Elkarri desafioa egin zioten eta data ere paratu zuten: maiatzaren 12a. Halaxe izan zen. Herriko hiru mutil gazte taldek herri kirol desafioa egin zuten Oilargatan. Bi lagun arpanean, lagun bat aizkoran, lasterkalari, txokor biltzaile, txingalari eta harri altxatzaile bana… Guztira zazpi gazte talde bakoitzean, proba konbinatuan aritu zirenak
Apostuaren akabera borrokatua eta peleitua izan zen, eta azkenean gazteen talde helduenak irabazi zuen. Gaztetxoenek helduen taldeari bazkaria ordaindu behar izan zioten (Hori baitzen desfioaren muina). Eguerdioko saio horren ostean, 30 lagunek giro ederrean bazkaldu zuten Girizia txabolan. Bazkalondoa alaitzeaz, Gurutze Pikabea eta Ainara Amoros trikitilari eta panderojoleak arduratu ziren. Egun ederra atera omen zen.