Maiatzaren 17an aurkeztu zen Kultur Etxean Berako Udaleko Hirigintza Batzordeak egindako Hirigintzako azterlan estrategikoa. Dokumentu honekin Hirigintza Planak dituen hutsune eta gabeziei aurre egin, etxebizitzaren prezioan eragin eta herri ereduan sakontzea eta eztabaidatzea lortu nahi da. Jendaurrean dokumentuaren aurrerakina aurkeztuko da eta datozen hilabetetan eztabaidatu eta sakonduz joanen da.