«Gazteok elkartuz, herria bultzatu» lelopean, larunbat honetan Gazte Eguna antolatu du Lesakako Gaztik taldeak. 10:00etatik 12:00etara tailerrak izanen dira; artistikoa, txalaparta... 12:00etan, Nafarroako gaztetxoen bertso txapelketako finala jokatuko da Kattun, herriko ordezkaritza zabalarekin. 14:30ean, bazkaria izanen da plazan. Bazkalondoa patxadan pasatu ondotik, 18:00etan 3x3 futbito txapelketa plazan. 20:00etan trikipoteoa eta akautzeko, 22:30etik aitzinera kontzertua eskainiko dute frontoiko aparkalekuan Ataka, Akatu, Anestesia eta Habeas Corpus taldeek. Sarrerak aitzinetik 5 eurotan daude eta bertan 7 eurotan.