Beti Gazte Lesakako kultur et kirol elkarteak urteko batzar nagusia eginen du heldu den ortziralean, otsailaren 23an Beheko Plazan duen egoitzan. Ohi bezala bi deialdi eginen dira, lehena arratsaldeko 19:30ean, eta bigarrena ordu erdi bat beranduago, arratsaldeko 20:00etan. Bileraren hasiera, pasa den urteari zuzenduko diote. Horiek horrela, 2006ko martxoaren 10ean egindako batzar nagusiko akta irakurri eta onartuko da hala badagokio. Ondotik iazko balantzea eginen dute, ekitaldiena eta kontuena. Bigarren zati batean etorkizunari begira jarriko dira, eta heldu diren hilabeteetan antolatu beharreko ekitaldiak aipatuko. Horrekin batera aurrekontua eta kuotak eguneratzea eztabaidatuko da. Bukatzeko zuzendaritza batzordea berritu behar edo nahi den ikusiko dute.