Kataluniako L’Hospitalet de Llobregateko Bisbe Berenguer Bigarren Hezkuntzako Ikastetxeak Euskal Herrian barrena egiten ari den txangoa probextuz, Berako Labiaga Ikastolak Euskal Herria-Katalunia jardunaldia antolatu zuen martxoak 15ean Kultur Etxean. Jaialdi horretan gure kultura aurkezteko hainbat ekitaldi egin zituzten: agurra, Gure Herria, Gure Kirola eta Gure Kultura tailerrak, hamaiketakoa eta dantza jaialdia egin zuten ondorengo dantzak eskainiz: Agurra, Makil dantza, Fandagoa, Arin-Arina eta Agintariena. Hau bukatuta, Eztegara pilotalekuan pilota partida egin zuten eta segidan oparien banaketa, Jardunaldia akautzeko. Honetaz gain aipatu, martxoaren 14an, Labiagako DBHko 22 ikasle eta 3 irakasle Suediara joan zirela Comenius izeneko Europar proiektuaren barnean. Apirilean, berriz, Errumaniara joanen da ikasle talde bat. Duela urte batzuk Suediatik eta Errumaniatik jasotako bisitak itzuliko ditu honela Labiaga Ikastolak.
Kataluniatik etorritako ikastetxe bati gure kulturaren berri eman diote
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun