Udaleko Kirol Batzordeak diru-laguntzak eskatzeko epea ireki du eta otsailaren 28a bitarte aurkezten ahal izanen dira proposamenak. Diru-laguntzak emateko irizpideei dagokienez, diru-laguntzak borondatezkoak dira, laguntzak ematea ez da derrigorrezkoa eta arau orokor bezala, ez dira aktibitateen kostuaren %50a baino handiagoak izanen. Gainera, ezin izanen da diru-laguntzen errebisioa eskatu. Horrez gain, herriko elkarteek, dirua irabazteko helbururik ez dutenek, eta Beran erroldatutako pertsona fisikoek eska dezakete laguntza.
Diru-laguntzak ematerako orduan, kirolaren promozioak %28 balio izanen du, bizitza osorako kirolaren kultura sortzeak %10a, guztientzako kirola bultzatzea %5a, bertako kirolaren promozioa %6a eta kirol praktika berriei bultzada %5a. Bi dira otsailaren 28a baino lehen Herriko Etxeko bulegoetan aurkeztu beharreko dokumentuak: udal bulegoetan edo www.berakoudala.net orrialdean eskuratu daitekeen inprimaki sinatua eta diru irteera eta sarreren aurrekontuaren banaketa.