Apirilaren 10ean, igandean, Nafarroako Herri Kirol Federazioak et Kirol eta Gaztediaren Institutuak antolatutako Herri Kirol Jolasen aurtengo edizioak herriko pilotalekua gune izan zuen, bere lehenbiziko jardunaldian. Eguraldi kaxkarra bazen ere, ikuslez eta kirolarik gainezka zegoen frontoia. Herriko kirolariek eta entrenatzaileek ere beuren lana erakutsi zuten lehenengo kanporaketan, haraneko bertze lagunekin eta Iruñerrikoekin batera. Alebin mailako proba konbinatuan, Arantza lehenengo multzoan aritu zen eta sailkapen orokorrean, zortzi talderen artean zazpigarren geratu zen, bere lana sei minutu terdi pasatxoan eginez.
Haur mailako proba konbinatuan, laugarren postua lortu zuten aranztarrek, 8 minutu eta 47 segundu pasatxiko denboran; eta kadete mailako proba konbinatuan, hiru puntu lortu zuen Arantzako taldeak, bigarren postuan geratuz. Sokatiran berriz, Narbarte eta Arantza batera aritu ziren jadete mailan, 540 kilotan eta bi puntu lortu zuen taldeak.
Apirilaren 17an Berriozarren egindako probaren ondotik, 24an Sakana aldean aritzekoak dira herriko kirolariak, maiatzaren 8an Igantzin eta bosgarren eta azken jardunaldia Txantrean eginen da maiatzaren 15ean.